شهریار .........

ساجیمین غم‌لی سیملرینده منیم

باکی‌نین باشقا بیر ترانه‌سی وار

سینه‌مین دار خرابه‌سینده درین

بو جواهیرلرین خزانه‌سی وار

من سیزین شانلی قهرمانلاریزی

سؤزلریمده همیشه یاد ائد‌ه‌رم

ظولمه قارشی قیلینج سؤزوم کسگین

قهرمانلار کیمی جهاد ائده‌رم

سن کیمی قارداش اؤز قارین‌داشینی

آتماییب، اؤزگه کیمسه توتمایاجاق

قوجا تبریزده مین ایل کئچسه

باکی قارداشلارین اونودمایاجاق

گلمیشیک دوُغما یوردوموز باکی‌یا

قوُی بو، تاریخده ایفتیخار اولسون

شهریاردان‌دا بو اؤفق‌لره

بیر سینیق نغمه یادیگار قالسین...